MOE PARE DEUI WAE

MOE PARE DEUI. Asa cikeneneh moe pare teh,ayeuna geus mimitian deui  moe pare,tapi mun di itung-itung mah moe pare anu terahirna teh kurang leuwih geus ujuh bulan  anu kaliwat , mun nurutkeun bulan mah waktu tujuh bulan teh  lain waktu anu sakeudeung, tapi beut asa cikeneh atuh, ieumah sigana bakatning kubetah hirup di alam dunya nepikeun geus teukarasa ngaliwatan waktu anu tujuh bulan eta.

Lamun mah unggal poe moreret jigana moe pare teh moal lila paling ngan ukur dua poe atawa tilu poe ge geus garing, tinggal napian beres napian terus diampihkeun ka jero imah, da teu boga leuit jiga kolot baeula, ayeunamah cukup nunda pare teh di kamar anu ngarendeng jeung Dapur dihijikeun jeung betrak betruk.

Alhamdulillah sok sanajan kagaringan geuning bisa ka ala pare teh  sarta lumayan baleuneur deuih, teu siga panen kamarina sajaba ku hamateh parena arayeuh atuh lolobanamah anu gamrang , anu biasanmah meunang sakitu kuwintal teh  kamarimah ngan ukur meunang sakitu kilo, tapi soksanajan kitu kuring tetep bersyukur ka Allah sabab masihkeneh dipaparinan rejeki anu halal tur Barokah.

Nyakitu deui dina panen anu ayeuna Alhamdulillah rada hede,damun dibandingkeun jeung nubaturmah nya nu Kuring minagka pang hadena , bisa ka ala tur lumayan baleuneur,padahal sarua jeung batur sawahna kagaringan alatan teu aya hujan,nepi ka telaan sawahna oge bakatning kutarik pisan panasna,

Baretomah jaman araya keneh nujadi kolot mun usum moe pare kuringmah sok indit kamana we da sieun dititah moe pare, ngan arokaya mun balik ka imah sok digeleneng ku Ema jeung ku Bapa, kawas nu teubeuki dahar we manehmah ,kitu pokna Bapak jeung Ema mun ambek ka Kuring pedah panitah na ( moe pare ) teu digugu ku Kuring,

Ayeunamah karasa ku Kuring sagala ucapan kolot ( Indung Bapa ) kalaman ku kuring ,timimiti ngakutan pare nepikeun ka mulak-malik pare ngarah tereh garing teh geuning cape pisan,komo mun loba hayammah matak piambeukeun we hawanateh,

Hampura Ema Bapa Abdi teuacan tiasa mulang tarima kanu jadi kolot ,kaburu Ema jeung Bapa ngantunkeu abdi,mudah-mudahan we sagala kahadean Ema sareng Bapa  janten Ibadah tur ditampi ku Alloh swt, aamiin Allohuma aamiin………..

  

Jangan sampai ketinggalan postingan-postingan terbaik dari ERWE DALAPAN. Berlangganan melalui email sekarang juga:

Atau sobat juga bisa follow ERWE DALAPAN dengan mengklik tombol di bawah ini:

Artikel keren lainnya:

Ditulis oleh ERWE DALAPAN pada tanggal